Þjónusta - Austurhofn

Við sjáum um þetta

Húsvörður verður á svæðinu 8 tíma á dag, alla virka daga. Hann annast öll samskipti við þá sem veita þjónustu í húsinu, tekur á móti sendingum, hefur eftirlit með aðgangi að húsinu og er til aðstoðar við íbúa og eigendur. Eignaumsjón ehf. sinnir því sem viðkemur sameign hússins og sameiginlegum kerfum þess fyrir húsfélag Austurhafnar og aðstoðar félagið auk þess við funda- og reikningshald.

Aukin þjónusta

Gegn aukagjaldi stendur íbúum og eigendum íbúða til boða margvísleg önnur þjónusta frá ERT Concierge. Má þar nefna aðstoð við val á húsgögnum og innanstokksmunum í íbúðirnar, þrif, matargerð, barnapössun, gæludýragæslu, fatahreinsun, ferðaskipulagningu og margt fleira.

Stæði á besta stað í bænum

Bílastæði og geymsla fyrir hverja íbúð eru í rúmgóðum kjallara á tveimur hæðum. Eitt bílastæði fylgir flestum íbúðum en með stærri íbúðum fylgja tvö stæði. Bílakjallarinn er aðgangsstýrður og aðeins fyrir íbúa Austurhafnar.

Við hvert stæði verður Zaptec hleðsludokka og geta eigendur komið þar fyrir hleðslustöð fyrir rafmagnsbílinn. Zaptec hleðslustöð er útbúin álagsstýringu og mælir orkunotkun viðkomandi stæðis og tryggir að hver eigandi greiði fyrir sína raforkunotkun.

List sem hæfir heimilinu

Íbúum Austurhafnar stendur til boða aðstoð við val og kaup á listaverkum fyrir heimilið. Austurhöfn sóttist eftir samstarfi við i8 gallerí sem mun veita íbúum þessa þjónustu. Allt frá því að i8 hóf starfsemi árið 1995 hefur það gegnt stóru hlutverki í myndlistarlífi landsins við að kynna íslenska myndlist á alþjóðavettvangi sem og nýja myndlistarstrauma fyrir Íslendingum.