Þjónusta - Austurhöfn

Áhyggjulaust umhverfi

Þjónustufulltrúi íbúaþjónustu verður á svæðinu virka daga til að annast samskipti við aðila sem veita þjónustu í húsinu, tekur á móti sendingum, hefur eftirlit með aðgangi að húsinu og er til aðstoðar við íbúa og eigendur. Eignaumsjón ehf. mun sinna því sem viðkemur sameign hússins og sameiginlegum kerfum þess fyrir húsfélag Austurhafnar og aðstoða auk þess við funda- og reikningshald.

Aukin þjónusta

Gegn aukagjaldi stendur íbúum og eigendum íbúða til boða margvísleg önnur þjónusta frá ERT Concierge. Má þar nefna aðstoð við val á húsgögnum og innanstokksmunum í íbúðirnar, þrif, matargerð, barnapössun, gæludýragæslu, fatahreinsun, skipulag ferða og margt fleira.

Stæði á besta stað í bænum

Mjög gott aðgengi er að bílastæðum Austurhafnar. Megininngangur er um sérinngang við Bryggjugötu, en jafnframt er hægt að nýta innganga við Hörpu og Hafnartorg. Bílastæði eru í rúmgóðum kjallara á tveimur hæðum. Eitt bílastæði fylgir flestum íbúðum en með stærri íbúðum fylgja tvö stæði. Bílakjallarinn er aðgangsstýrður og aðeins fyrir íbúa Austurhafnar. Við hvert stæði verður Zaptec hleðsludokka og geta eigendur komið þar fyrir hleðslustöð fyrir rafmagnsbílinn. Zaptec hleðslustöð er útbúin álagsstýringu og mælir orkunotkun viðkomandi stæðis og tryggir að hver eigandi greiði einungis fyrir sína raforkunotkun. Auk þess er í hverjum íbúðagangi rúmgóð hjólageymsla til afnota fyrir íbúanna. Þar eru einnig stórar geymslur sem fylgja hverri íbúð en meðalstærð þeirra er um 13 fermetrar.

Heildarhönnun fyrir heimilið

Kaupendum býðst þjónusta innanhússhönnuðar sem hefur sérþekkingu á íbúðunum í Austurhöfn og getur aðstoðað við val á efni og innréttingum eða breytingum svo íbúðin þín sé sniðin að þínu lífi.

List sem hæfir heimilinu

Íbúum Austurhafnar stendur til boða aðstoð við val og kaup á listaverkum fyrir heimilið frá i8 galleríi sem hefur frá stofnun árið 1995 verið eitt framsæknasta myndlistargallerí landsins. i8 hefur gegnt burðarhlutverki við kynningu á íslenskri myndlist á alþjóðavettvangi sem og að kynna nýja myndlistarstrauma fyrir Íslendingum.

Hafðu samband

NAFN

SÍMI

TÖLVUPÓSTFANG

SKILABOÐ

Þessi síða er varin af reCAPTCHA og persónuverndarstefnu Google og skilmálar Google eiga við um hana.