Miðpunktur verslunar
Austurhöfn er steinsnar frá kjarna reykvískrar verslunar. Íslenskir hönnuðir bjóða vörur sínar til sölu og vönduð alþjóðleg merki prýða hvern búðargluggann á fætur öðrum.
Blanda af því besta
Styrkleika íslenskrar matargerðar er að finna í því hversu fersk og hrein hráefnin eru. Við þetta bætist aukinn metnaður íslenskra kokka og fjölgun frábærra erlendra matreiðslumanna og það er auðvelt að sjá hvernig Reykjavík hefur öðlast verðskuldað orðspor sem ein af matarborgum norðursins.
Menning og list
Klassísk tónlist, myndlist eða hið allra nýjasta í popptónlist eða listgjörningi. Hvað sem kitlar menningarbragðlaukana er auðvelt að svala því. Sinfónían og Óperan eru í næsta húsi, í Hörpu, og merkilegan fjölda gallería og listasafna má finna í göngufjarlægð frá Austurhöfn. Til að finna nýlegri listsköpun nægir að stíga út og láta stemninguna leiða sig áfram.
Tónlist öll kvöld
Í huga margra eru Reykjavík og tónlist óaðskiljanlegir þættir. Tónlistarlífið þrífst hvað best í næsta nágrenni við Austurhöfn þar sem reyndir jafnt sem óreyndir tónlistarmenn koma fram á hverju kvöldi.
Besta stund dagsins
Það er fátt jafn nærandi fyrir líkama og sál og að setjast niður með vel lagaðan bolla á fallegu kaffihúsi og virða fyrir sér mannlífið. Í nágrenni Austurhafnar má velja úr ótal kaffihúsum þar sem þú getur mælt þér mót við sjálfan þig – og aðra.
Andaðu að þér sjávarloftinu
Andaðu að þér sjávarloftinu í endurnærandi gönguferð um hafnarbakkann. Við sólarlag skarta Esjan, Akrafjall og Skarðsheiði sínu fegursta og úti á Granda bíður þín nýhristur drykkur.