Heimilið þitt - Austurhofn
Heimili hannað fyrir þig

Í Austurhöfn hefur þrotlaus vinna farið í hönnun og frágang. Það á ekki síst við um val á innréttingum og heimilistækjum, þar sem leitað var í smiðju rómaðra evrópskra framleiðenda. Þú getur aðlagað heimilið þínum óskum og þörfum með vali á áferð og efnivið á innréttingum. Snjallheimiliskerfið sem fylgir hverri íbúð gerir þér kleift að hafa hlutina nákvæmlega eins og þú vilt hafa þá.

Upplifun í eldhúsinu

Þegar kemur að skipulagi og frágangi eldhússins er hugað að hverju einasta smáatriði til að tryggja að matseld og borðhald séu eins ánægjuleg og unnt er. Efni og tæki hafa jafnframt verið sérvalin út frá framúrskarandi hönnun og endingu. Innréttingar eru allar sérsmíðaðar og fjölbreytni í lita og efnisvali á milli íbúða auðvelda kaupendum að velja íbúð sem endurspeglar persónulegan stíl hvers og eins.

Þín heilsulind

Glæsileg baðherbergin eru ekki aðeins fyrir augað heldur einstaklega hlýleg þar sem sérstaklega hefur verið hugað að notalegri óbeinni lýsingu. Í nær öllum íbúðum er, auk gestasnyrtingar, sérbaðherbergi fyrir svefnherbergi með innbyggðri sturtu.  Auk þess er í stærri íbúðum sérherbergi fyrir salerni innan baðherbergja. Baðkar er í öllum íbúðum fyrir utan þær allra minnstu.

Innbyggð snilld

Íbúðir í Austurhöfn eru allar snjallvæddar með kerfi frá Nordic Smart Spaces, sem gerir þér kleift að stýra lýsingu, hitastigi og aðgengi að íbúðinni með snertiskjám á veggjum, í síma eða spjaldtölvu. Þú getur því stjórnað þessum kerfum hvaðan sem er. Hægt er að bæta við fleiri stillingum eftir óskum  eiganda.

Hafðu samband

Fasteignasalan Miklaborg hefur umsjón með sölu eigna í Austurhöfn. Á þessari stærstu fasteignasölu landsins starfa eingöngu löggiltir fasteignasalar og lögmenn, sem veita bestu fáanlegu ráðgjöf á sviði fasteignaviðskipta á Íslandi.

Frekari upplýsingar um íbúðir Austurhafnar má fá með því að fylla út þetta form eða í síma 569 7000.

Hafðu samband

NAFN

SÍMI

TÖLVUPÓSTFANG

SKILABOÐ

Þessi síða er varin af reCAPTCHA og persónuverndarstefnu Google og skilmálar Google eiga við um hana.