Austurhöfn - einstakar fasteignir til sölu
Austurhofn video logo

Heimsborg við höfnina

Ný viðmið í hönnun og gæðum

Íbúðirnar í Austurhöfn eiga sér enga hliðstæðu. Hönnun, efnisval, frágangur og aðgengi í hverri einustu íbúð er á hæsta mælikvarða til að skapa upplifun sem ekki hefur áður boðist á Íslandi, mitt í hringiðu borgarlífsins og menningar við gömlu höfnina í Reykjavík.

Heimili með persónuleika

Við vekjum sérstaka athygli á þessum íbúðum, sem hver fyrir sig hefur sérstaka eiginleika sem skapa einstaka upplifun.

Íbúð 305: Horfðu yfir hafið úr sófanum

Íbúð í sérflokki með einstöku og síbreytilegu hafnarútsýni Reykjavíkurhafnar. Um 75m2 lifirými myndar eina heild, sem tengir stofu, borðstofu og eldhús saman á hlýlegan og glæsilegan hátt. Tvennar svalir eru á íbúðinni sem veita fallegt útsýni yfir höfnina, sjóinn og fjöllin í fjarska annars vegar - og borgarútsýni hins vegar, inn í fallegan einkagarð íbúa Austurhafnar. Í íbúðinni má finna tvö svefnherbergi, hvort með sér baðherbergi auk þess sem að auka baðherbergi er á gangi. Gengið er inn í íbúðina beint úr lyftu sem tryggir næði og þægilega aðkomu. Hugað er að öllum þörfum en finna má stóran ísskáp og vínkæli í íbúðinni. Tvö rafbílavædd bílastæði í einkabílakjallara Austurhafnar fylgja íbúðinni.

Sjá íbúð

Íbúð 310: Bjart og glæsilegt heimili í hjarta miðborgarinnar

Draumaíbúð fyrir þá sem vilja einfalt og glæsilegt heimili á besta stað í borginni. Íbúðin er björt, opin og aðlaðandi. orstofu og stórt alrými þar sem stofa, borðstofa og eldhús tengjsat smekklega saman. Alrýmið opnast út á stórar svalir með útsýni yfir lifandi mannlíf borgarinnar. Frábær valkostur fyrir þá sem vilja heimili í hæsta gæðaflokki - og meiri tíma til að njóta þess besta sem Reykjavíkurborg hefur að bjóða. r

Sjá íbúð

Íbúð 408: Glæsileg borgaríbúð fyrir fagurkera

Íbúðin er mjög skemmtilega hönnuð, þar sem mjög rúmgott andyri opnast inn í afar fallega stóra stofu, glæsilegt stórt eldhús og borðstofurými hentar vel fyrir þá sem njóta þess að bjóða heim. Skýr afmörkun lifirýmis og svefnrýmis skapar fullkomna ró fyrir þá sem vilja hvílast þó gestir séu í heimsókn. Úr svefnherbergjum er gengt inn á vel búin baðherbergi og fataherbergi úr stærra svefnherberginu. Þrjár svalir bjóða lifandi borgarsýn og garðsýn frá þessari glæsilegu íbúð. Sjón er sögu ríkari!

Sjá íbúð
Sjá allar íbúðir

Veldu þitt heimili

Íbúðir Austurhafnar eru hannaðar fyrir ólíkan smekk og þarfir. Frá þeim er ýmist útsýni yfir hafið, fjallahringinn, Hörpu, miðborgina eða fallegan einkagarð íbúa. Íbúðirnar eru fjölbreyttar hvað varðar stærð og herbergjaskipan en allar eiga þær það sameiginlegt að hvergi hefur verið til sparað hvað varðar efnisval og frágang.

Aukin þjónusta í boði

Í Austurhöfn eru sett ný viðmið hvað varðar metnaðarfulla þjónustu við íbúa. Allar sameignir eru þjónustaðar af starfsmanni húsfélags sem jafnframt sér um allt viðhald. Íbúum býðst að auki sérstakt aðgengi að fjölbreyttri þjónustu Reykjavik Edition, s.s. kaup á veitingum, leigubílaþjónustu, þrifum og þvottaþjónustu. Einnig býðst íbúum Austurhafnar afnot af líkamsrækt og heilsulind hótelsins á sérkjörum ásamt því að hægt er að panta herbergisþjónustu af matseðli Reykjavík Edition í íbúðir Austurhafnar. Íbúðirnar eru að auki vel staðsettar hvað varðar alla almenna þjónustu og afþreyingu, m.a.  fjölbreyttrar veitingaþjónustu í mathöll sem staðsett verður á neðstu hæð hússins.

Allt innan seilingar

Það eru margir kostir sem fylgja því að búa í miðborg Reykjavíkur. Varðveiðsla eldri byggðar samhliða mikilli uppbyggingu stuðlar að því að miðborgin mun meira líkjast erlendum stórborgum þar sem iðandi og fjölbreytt mannlíf er einkennandi. Hvergi á landinu er eins fjölbreytt flóra veitingastaða og kaffihúsa og flest menningarhús borgarinnar eru í göngufjarlægð frá Austurhöfn.  Aðeins steinsnar frá heimilinu má finna mat, afþreyingu, útivist, menningu, verslun og þjónustu.

Klassísk nýsköpun

Við hönnun svæðisins sóttu arkitektar hjá T.ark innblástur sinn í vel heppnuð almenningsrými evrópskra borga með það að markmiði að skapa metnaðarfullt borgarsvæði.  Á sama tíma má sjá tilvísun í byggingarsögu Reykjavíkur í fáguðu og tímalausu útliti bygginganna.

Hafðu samband

Fasteignasalan Miklaborg hefur umsjón með sölu eigna í Austurhöfn. Á þessari stærstu fasteignasölu landsins starfa eingöngu löggiltir fasteignasalar og lögmenn sem veita bestu fáanlegu ráðgjöf á sviði fasteignaviðskipta á Íslandi.

Hafðu samband

NAFN

SÍMI

TÖLVUPÓSTFANG

SKILABOÐ

Þessi síða er varin af reCAPTCHA og persónuverndarstefnu Google og skilmálar Google eiga við um hana.